Pas letrës që presidenti rus Vladimir Putin, i dërgoi me rastin e 80 vjetorit të çlirimit të Beogradit, ai dhe presidenti serb, Aleksander Vuçiq kanë zhvilluar edhe një bisedë telefonike.
“Zhvillova një bisedë shumë të mirë me presidentin rus Putin”, ka njoftuar Vuçiq në llogarinë e tij në Instagram, duke shtuar se shpreson që Serbia të mos vendosë sanksione ndaj Rusisë.
Presidenti kujtoi se nuk kishte folur me homologun e tij rus për gati dy vjet e gjysmë dhe theksoi se kjo telefonatë ishte “e hapur, e gjatë dhe kuptimplotë”.
“Shpreha shpresën, ashtu si dy vjet e gjysmë më parë, se Serbia nuk do të vendosë sanksione ndaj Federatës Ruse, e gjithashtu mirënjohje të jashtëzakonshme për mbështetjen e Moskës në OKB në lidhje me rezolutat e ndryshme dhe për integritetin territorial të Serbisë”, tha Vuçiq.
Presidenti serb, i cili së fundmi ka marrë ftesë nga presidenti rus për samitin e BRICS në Kazan, tha se më shumë detaje rreth bisedës me udhëheqësin rusë do ti zbulojë të hënën, gjatë një interviste për televizionin publik të Serbisë./A2cnn
Gjesti ‘kapet’ me Gresën, e akuzon për shpifje: Mu të shkret...
Vullneti-Rezit: Ta kam gjetur topin që të ka humbur që një j...
Policia kontrollon hotelin pas vdekjes së Liam Payne, kërkoh...
Rusia aprovon traktatin me Korenë e Veriut për ndihmë ushtar...
Humb jetën një 57-vjeçar në Fier, dyshohet se pësoi arrest k...
Udhëheqësi i Zyrës për Rikthim të Aseteve vizitoi Prokurorin...